Kryetari i Komunës së Klinës, Zenun Elezaj ka thënë se situata në këtë komunë është rënduar nga vërshimet.
Ai ka thënë se janë shkaktuar dëme të konsiderueshme në pornat publike, ekonomitë familjare dhe biznese.
“Edhe në këto orë jemi në terren për të parë nga afër gjendjen pas vërshimeve. Dëmet janë të konsiderueshme në pronat publike, ekonomitë familjare dhe bizneset. Aktualisht jemi duke u marrë me menaxhimin e situatës, e cila paraqitet mjaft e rënduar. Në ditët në vijim do të formohet komisioni për vlerësimin e dëmeve dhe do të kërkohet mbështetje edhe nga institucionet qendrore për kompensimin e dëmeve ekonomike. U bëjmë thirrje qytetarëve për kujdes të shtuar dhe që, në rast nevoje, të raportojnë te shërbimet emergjente të komunës”, ka shkruar Elezaj.
