El Clasico” ndërmjet Barcelonës e Real Madridit nuk ka qenë kurrë më i tensionuar se dueli që pritet të luhet sonte.
Pa e llogaritur përballjen e yjeve si Kamine Yanal te Barça apo Vini Jr e Mbappe te Reali, finalja e Kupës së Mbretit u tensionua deri në mos zhvillimin e saj nga diçka e paparë deri më tani.
Përmes një konference për gazetarë, gjyqtarët e ndeshjes folën për presion të jashtëzakonshëm të Real Madridit, derisa gjyqtari kryesot shpërtheu në lot.
Kjo për shkak të një video-materiali prej 6 minutësh të shfaqur nga Real Madrid TV, për gabimet e “qëlimshme” të gjyqtarit Ricardo de Burgos Bengoetxea sa herë që ky i kishte gjykuar ndeshjet e Realit.
Pas këtij episodi, reagoj klubi madrilen që kërkoj zëvendësimin e gjyqtarëve, kërkesë kjo që nuk u pranua nga Federata spanjolle.
Zyrtarët e “Los Blancos” anuluan konferencën për gazetarë dhe stërvitjen e hapur, ndërsa gjatë mbrëmjes të premten, klubi nxorri dy komunikata, në të cilat la në ankth tifozët e klubit dhe të gjithë adhuruesit e kësaj ndsehjeje, se në fakt dueli final i Kupës së Mbretit mund të mos zhvillohet fare.
Krejt vonë të premten mbrëma, klubi me një tjetër komunikatë tha se ndeshja do të zhvillohet siç ishte e paraparë.
Nga Barcelona nuk reaguan por pati mesazhe të fshehta nga disa prej lojtarëve, duke i përqeshur veprimet e rivalit të vjetër.
Finalja e Copa del Rey do të luhet sonte, duke nisur nga ora 22:00 në stadiumin “La Cartuja” të Sevillës, me një hije të keqe, por që të gjithë e besojnë se vetëm sa i ka bërë mirë spektaklit që pritet nga protagonistët.
