Eksperti i sigurisë, Nuredin Ibishi, vlerëson se në aspektin e sigurisë, veriu i Kosovës nuk ka qenë asnjëherë më mirë.
Ai thotë se kjo po ndodhë se në këtë pjesë nga ka më grupe ekstremiste.
Ibishi në emisionin “Ditari në Tëvë 1, duke komentuar veprimin e konfiskimin një sirenë të alarmit dhe 6 zmadhues të zërit në komunën e Mitrovicës së Veriut, i cili përdorej nga grupet ekstremiste për mobilizim, për protesta e bllokim të punës së Policisë së Kosovës, ka thënë se ngadalë të gjitha këtyre veprimeve të jashtëligjshme po ju vije fundi.
“Asnjë herë s’ka qenë më mirë. S’ka më grupe e as individë ekstremistë. Ka edhe një qetësi në të gjitha komunitetet në katër komunat veriore të Kosovës, sepse nuk ka shtytje nga ekstremistët e as kërcënime. Realiteti është që ne e kemi një rend dhe qetësi publike”, ka thënë Ibishi.
Ai ka folur edhe përkresat e Njësive elitare të Policisë së Kosovës, duke thënë se Policia ka qenë shumë e përmbajtur duke mos kërkuar këto benefite.
Ibishi ka thënë se kërkesat e tyre duhet të plotësohen, por që sipas tij, është e pamundur që të gjitha të plotësohen përnjëherë.
Duke komentuar paralajmërimet për një sulm të mundshëm nga Serbia si ai në Banjskë, Ibishi tha “Serbia asnjëherë s’ka me pushu nga veprimet e tilla”.
Presidentja Vjosa Osmani dhe kryeministri Kurti, në deklarimet e tyre kanë potencuar se Serbia po përgatitet për një sulm në Banjskë.
