Ahmeti ka thënë se faktori njëri është ai i cili merr vendim mbi automjetin, njëri prej shkaktarëve kryesor të aksidenteve.
“Njeriu është ai i cili merr vendim mbi automjetin, apo thënë ndryshe njëri prej shkaktarëve kryesor të aksidenteve në 10 ditëshin e fundit është mos respektimi i kufizimit të shpejtësisë”, ka thënë ai.
Tutje Ahmeti ka thënë se ka edhe faktorë të tjerë që shkaktojnë aksidente në komunikacion.
“Ka edhe faktorë të tjerë të cilët e shkaktojnë aksidente në komunikacion, ku është faktori incident ku na i rreshtojmë psh, si në këtë kohë ka mundësi që nëpër prapështi të rrugës nuk e rrok dielli në mëngjes kemi borë d.m.th ngasim automjetin me shpejtësi 60-80 km h apo 100 km h kur papritmas hasim në borë ku nuk e ka kapur rrezet e diellit, ka mundësi gjethet në rrugë, dalja e shtazëve të egra dhe shtëpiake në rrugë, shembja e gurëve, rrezet e diellit dhe shi i rrebeshëm”, ka thënë ai në Tëvë.
Eksperti i komunikacionit ka theksuar se në Evropë dhe në botë sipas tij shkaktari kryesorë i aksidenteve është alkooli, ndërsa në Kosovë shkaktari kryesor i aksidenteve është mos respektimi i shpejtësisë, shkruan teve1.info
“Në Kosovë është mos respektimi i shpejtësisë, një literaturë gjermane rreshton edhe faktorë të tjerë, siç është moskultura në komunikacion, padurushmëria”, ka thënë Ahmeti.
Ahmeti ka deklaruar se masat preventive nga ana e policisë janë të dobëta, për shumë arsye, sipas tij dedektimi i shpejtësisë në rrugë prej anës së policisë është i dobët.
“Masat preventive nga ana e policisë janë të dobëta, për shumë arsye njëra prej arsyeve është që dedektimi i shpejtësisë në rrugë prej anës së policisë është i dobët për arsye se deri vonë i kanë pasë vetëm shtatë radar në krejt territorin e Kosovës, ku vetem pesë prej tyre kanë funsikonu normal, kurse dy të tjerë kanë pasë probleme teknike”, ka thënë Ahmeti.
Tutje Ahmeti ka thënë se e kanë ngritur zërin që nëpër qytete të mëdha, siç është Prishtina e Prizreni dhe qytetet e tjera të ketë radar statik dhe kamera në udhëkryqe.
Sipas tij nëse radarët vendosen në shtylla elektrike do të ulej ndjeshëm numri i aksidenteve.
“Të hyrat të cilat vinë prej gjobave mendoj që është mjaftueshëm për kamera dhe radar statik edhe lëvizës”, ka thënë ai.
Ai ka folur edhe për patent shoferët, duke thënë që patent shoferi duhet të jepet me meritë.
“Patent shoferi duhet të merret me meritë, nuk duhet të kalohet pameritë”, ka deklaruar ai.
