Kosova ka shënuar progres në fushën e zhvillimit ekonomik.
Kështu të paktën po proklamon kryeministri kosovar, Albin Kurti.
“Progresi ekonomik nuk është hamendësim e as rastësi.Ai është rezultat i politikave të duhura dhe qeverisjes së mirë”, ishte shprehur kryeministri Kurti.
Por sipas ekspertëve të ekonomisë, një gjë e tillë nuk është e vërtetë.
Madje sipas ekonomistit, Erton Bega, këto janë vetëm propaganda të qeverisë pasi nuk kemi të bëjmë më ngritje ekonomike.
Njëjtë mendon edhe ekonomisiti, Mustafë Kadrijaj.
Sipas tij në Kosovë nuk ka ndodhur asnjë investim që do të ndikonte në ngritje të ekonomike.
E derisa qeveria po paraqet rritje ekonomike, për qytetarët ngritja e çmimeve është bërë e papërballueshme për xhepin e tyre.
Sipas të dhënave të publikuar nga Agjencia e Statistikave e Kosovës, norma vjetore e inflacionit e matur në muajin shtator 2022 krahasuar më muajin shtator të vitit të kaluar ishte 12.7%.
Kronika e realizuar nga Doresa Geci
