Lufta që po ndodh në lindje të Evropës, ka ndikuar që të ngritën çmimet e produkteve bazë.
Nga kjo krizë është prekur edhe Kosova.
Por, ekspertët e ekonomisë parashikojnë se kriza ekonomike do të thellohet edhe më tej.
Prandaj, ekonomisti Florin Aliu ka sugjeruar Qeverinë që të grumbullojë rezerva dhe t’iu lejojë qytetarëve të tërheqin 30 përqindëshin e mjeteve të trustit.
Ndërkaq eksperti i ekonomisë, Safet Gërxhaliu, është shprehur kritik ndaj Qeverisë së Kosovës, për mënyrën se si po menaxhohet kriza ekonomike.
Ai thotë se Kosova duhet të marrë shembull nga vendet e rajonit se si po përballen me këtë situatë.
Opozita ka kërkuar nga Qeveria që t’ua mundësojë qytetarëve tërheqjen e parave nga trusti, por nga këta të fundit nuk është përkrahur kjo ide.
Për të zbutur këtë krizë, nga ekzekutivi kanë vendosur të ndajnë shtesa prej 100 euro për disa kategori, megjithatë kjo nuk po shihet si e mjaftueshme nga njohësit e çështjeve ekonomike.
Në muajt e fundit, inflacioni në Kosovë ka arritur deri në 10%.
Kronika e realizuar nga gazetari Shpat Blakçori
