Tëvë1 ka siguruar ekskluzivisht videot e pa transmetuara deri më tani, ku shihet Njësia për Ndërhyrje të Shpejtë, e cila është e para që reagoi ndaj grupit terrorist në sulmin e Banjskës.
Këto pamje tregojnë orët e para kur mbërrin autoblinda e këtij njësiti, e karshi tyre po qëndronin mbi 100 terroristët serbë.
Drejtoria e Njësive për Ndërhyrje të shpejtë nuk u ndal me kaq.
Shkëmbimin me armë zjarri në mënyrë profesionale dhe të sigurt e vazhduan edhe me të zbardhë dita, ku rreth pesë orë pa ndërprerë shkëmbyen zjarr me grupin terrorist.
Këtë e dëshmojnë edhe këto pamje ekskluzive, ku shihen nga një afërsi disa metërshe duke u zhvilluar luftimet mes Njësisë për Ndërhyrje të Shpejtë me anëtarët e grupit terrorist serbë.
