Ekipi i çiklizmit Israel-Premier Tech është përjashtuar nga gara e ardhshme Giro dell’Emilia në Itali për shkak të shqetësimeve për sigurinë publike, thanë organizatorët e garës, raporton Al Jazeera.
Vendimi i njoftuar të shtunën vjen pasi gara e fundit e çiklizmit Vuelta a Espana pësoi disa ndërprerje nga protestuesit pro-palestinezë të cilët dolën në rrugët e kryeqytetit spanjoll, Madrid, për të bllokuar pjesëmarrjen e Izrael-Premier Tech, duke detyruar anulimin e fazës përfundimtare të garës.
Thirrjet që Izraeli të përjashtohet nga ngjarjet sportive, festivalet dhe garat muzikore globale janë rritur që nga pushtimi i Gazës, i cili ka vrarë pothuajse 66,000 palestinezë, në një operacion që OKB-ja e ka përshkruar si një “gjenocid”.
