Ata po zhvillojnë takim me presidentin serb, Aleksandar Vuçiq.
Përmes një njoftimi, Presidenca e Serbisë ka bërë të ditur se në takim me Vuçiqin po marrin pjesë emisari i posaçëm i BE-së për dialogun Kosovës – Serbi, Miroslav Lajçak, dhe emisari amerikan për Ballkanin Perëndimor, Gabriel Escobar.
Po ashtu, në këtë takim me Vuçiqin është edhe i dërguari i posaçëm i Francës, Emmanuel Bonne, ai i Gjermanisë, Jens Plotner, dhe këshilltari i kryeministres së Italisë, Francesco Talon.
View this post on Instagram
Ndërkaq, sot Lajçak pas takimit me Kurtin tha se ishte një takim që nuk ishte i lehtë, por i sinqertë dhe i hapur.
Ai theksoi se ka pritur mirëkuptim më të madh për mundësitë që ofron propozimi i BE-së.
“Nuk mund të them shumë, por mund të them se kemi pritur mirëkuptim më të madh për mundësitë që ofron ky propozim. Shpresoj se do të arrijmë aty. Ne do të vazhdojmë të punojmë”, theksoi Lajçak. /Teve1.info/
