Ejupi në një lidhje direkte në Tëvë1, ka thënë se në qoftë se Qeveria nuk ndërmerr masa edhe për këta punëtorë, do të vazhdojnë protestat.
Sipas tij, punëtorët e sigurimit dhe ata të higjienës janë të diskriminuar në këtë rast.
“Ne patjetër se duhet marrim masa nëse Qeveria nuk ndërmerr masa edhe për neve. Punëtorët e sigurimit, çdo pacient që ka vjen në klinikë, së pari kalon nga porta ku gjendet punëtori i sigurimit dhe mundësia e parë e infektimit me COVID-12 është të infektohet punëtori i sigurimit. Pjesa e parë jemi ne, pastaj infermieret e doktorët e tutje. Edhe higjenistët janë në të njëjtën situatë. Punëtori i sigurimit, punëtori i higjienës janë komplet të diskrimimunar në këtë rast”, tha ai.
Po ashtu, Ejupi tha se Qeverisë i kanë dhënë 10 ditë afat dhe në qoftë se nuk do të ndërmerr diçka, do të marrin masa ligjore.
“10 ditë kemi dhënë afat dhe të këqyrim se çfarë po ndërmerr Qeveria e Kosovës përndryshe do të vazhdojmë prapë me protesta dhe greva. Patjetër se ne do të shkojmë edhe me greva por edhe do të ndërmarrim edhe masa ligjore”, ka deklaruar Ejupi. /teve1.info/
https://teve1.info/lajmet/punetoret-e-sigurimit-fizik-dhe-teknik-kerkojne-pagesen-shtese-prej-10-te-pages-baze/