Të ardhura në horizont për Milanin. Eintrachti i Frankfurtit mësohet se ka vendosur të ushtrojë të drejtën e blerjes përfundimtare të kartonit të Jens-Petter Hauge. Marrëveshja mes palëve parashikon që blerja e lojtarit të bëhet e detyrueshme kur klubi gjerman të arrijë të sigurojë mbijetesën në Bundesligë.
Aktualisht skuadra e drejtuar nga Oliver Glasner ka 13 pikë diferencë nga Arminia Bielefeld, që mban vendin e 16-të në tabelën e renditjes me 26 pikë të grumbulluara, kur duhen edhe 5 javë nga përfundimi i kampionatit. Kur gjithçka të përfundojë, klubi gjerman do të derdhë në arkat e kuqezinjve shumën e 12 milionë eurove për Hauge.
