Kampionia e Shqipërisë në futboll, Egnatia ka marrë rezultat të mirë në ndeshjen e parë ndaj Olimpijas së Lubjanës në kuadër të raundit të tretë kualifikues të Ligës së Konferencës.
Në ndeshjen e parë, të luajtur të martën mbrëma në Slloveni, Egnatia ka barazuar pa gola.
Ekipi shqiptar pati një paraqitje të mirë dhe ka një rezultat të favorshëm para ndeshjes së kthimit, në të cilin i mjafton fitorja për të avancuar në “play-off” të Ligës së Konferencës.
Olimpija humbi penalltinë në minutën e 68-të, ndërsa në minutën e 90-të, Egnatia mbeti me një lojtar më pak pasi Abdurrahman Fangaj u përjashtua nga loja pas kartonit të dytë të verdhë.
Ndeshja e kthimit, do të luhet javën e ardhshme në Shqipëri.
