Tahiri është shprehur se normalizimi i marrëdhënieve në mes Kosovës dhe Serbisë është një çelës për paqen në Ballkan.
“Është e vërtetët që faktori ndërkombëtar ka vendosur që ky dialog të mos mbetet vetëm në dorën e dy palëve sepse në Ballkan përvoja e thotë se nga brenda nuk vijnë zgjidhjet. Duhet të ketë ndërhyrje nga jashtë. Ka qenë koha që ky dialog të të shkojë dejtë marrëveshjes finale.
Ka pasur pa nevojë humbje kohe në çështje teknike. Qeveria e Kosovës dhe Kurti kanë preferuar të merren me gjëra. Kurti ka qenë kundër dialogut dhe tashmë e ka të vështirë të shkojë në opinion për të dhënë shpjegime.
Faktori ndërkombëtar e ka mbajtur qeverinë e Kosovës mjaft të izoluar. Dialogu ka hyrë në fazën finale, është në nivelin politik pavarësisht se nuk ka deklarime. Normalizimi i marrëdhënieve mes Kosovës dhe Serbisë është një çelës për paqen në Ballkan.
Mendoj se sa më shpejtë që të arrihet marrëveshja finale do të kemi një stabilitet edhe në rajon dhe më gjerë. Nuk është normale që gjërat po shkojnë jashtë syve të opinionit, por do vij momenti që gjërat do thuhen”, ka deklaruar diplomatja.
Ndër të tjera ajo ka pasur edhe një mesazh për qeverinë Kurti në lidhje me procesin e dialogut.
“Mesazhi im për qeverinë është të përgatitet dhe të krijojë ekipe në kuadër të një bashkëpunimi të gjerë pozitë-opozitë në mënyrë që të kenë legjitimitet të brendshëm kur të merren vendimet”, tha Edita Tahiri. /Euronews Albania/
