Përmes një postimi në Twitter, ai ka reaguar edhe për vendosjen e barrikadave për çka thotë se bien ndesh me frymën e dialogut.
“Sulmet mbi @EULEXKosovo janë të dënueshme pa asnjë ekuivok ashtu siç është i dënueshëm çdo akt dhune ndaj policisë së Kosovës. Rishfaqja e barrikadave në Veri të Kosovës,bie ndesh me çdo ligj e çdo frymë dialogu e jo vetëm nuk zgjidh asgjë,po përkundrazi komplikon më tej çdo gjë!”, thuhet ndër tjerash në postim.
Tutje, ai tha se shtyrja e zgjedhjeve në komunat veriore nga presidentja, Vjosa Osmani është sinjal kuptimplotë për autoritetet e Beogradit që siç thotë ai duhet përgjigjur në të njëjtën formë për të shmangur destabilizimin.
“Shtyrja e votimeve nga ana e Presidentes së Republikës së Kosovës është një sinjal kuptimplotë, të cilit autoritetet e larta të Beogradit duhet t’i përgjigjen me të njëjtën frymë dhe ndjenjë përgjegjësie, për moslejimin e përshkallëzimeve të mëtejshme të akteve destabilizuese!”, thuhet në postim./teve1.info