Një person ka pësuar lëndime trupore nga një mjet i mprehtë, mbrëmjen e sotme në qendër të Prishtinës.
Lidhur me këtë rast është arrestuar një person.
Policia e Kosovës ka bërë të ditur se i lënduari është dërguar për tretman mjekësor.
“Sot rreth orës 22:00, kemi marrë informatën për një lëndim trupor të ndodhur në sheshin ‘Zahir Pajaziti’ në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. Personi i lënduar është dërguar për trajtim mjekësor, ndërkohë që për përfshirje në këtë rast policia ka arrestuar një person të dyshuar”, thuhet në njoftim të Policisë.
Ndërkohë, gjatë ditës një krim tjetër ka ndodhur me thikë, që për pasojë mbet i vdekur një 34-vjeçar e gruaja e tij e lënduar. /teve1.info/
