Pas PDK-së, edhe LDK-ja ka dërguar në Gjykatë Kushtetuese Ligjin për Këshillin e Pavarur Mbikëqyrës për Shërbimin Civil të Kosovës, i cili është miratuar javën e kaluar.
Në një postim në Facebook, shefi i Grupit Parlamentar të LDK-së, Arben Gashi ka thënë se ky ligj është në shkelje kushtetuese në disa nga shtyllat e tij kryesore, përcjell teve1.info
“Drejtësia kushtetuese është shtylla e garantimit të sistemit demokratik, dhe kjo thirrje për një vlerësim të thelluar është hapi i parë drejt sigurisë së mëtejshme të demokracisë sonë. Ne duhet të ruajmë integritetin e Kushtetutës dhe të ndërtojmë një shoqëri më të drejtë dhe transparente”, ka shkruar ai.
Sot paradite, edhe PDK-ja e ka dërguar në Kushtetuese Ligjin për KPMSHCK.
