Lajmin e ka konfirmuar zëdhënësja e Gjykatës Themelore në Prishtinë, Mirlinda Gashi.
Gashi tha se gjashtë personave të dyshuar për veprat penale “Trafikimi me njerëz”, “Shërbimet seksuale të viktimës së trafikimit” dhe “Dhunimi’”, u janë caktuar edhe nga dy muaj paraburgim, ndërsa personi i shtatë i cili është arrestuar në muajin shtator, ndodhet akoma nën masën e paraburgimit.
“Referuar kërkesës tuaj për informata, ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit kundër të pandehurve D.RR.,G.S.,B.S.,F.S,M.S. dhe M.R., Gjykata Themelore në Prishtinë – Departamenti për Krime të Rënda me datë 01.10.2022 ju ka vazhduar masën e paraburgimit të njëjtëve edhe për dy (2) muaj, për secilin veç e veç, ndërsa personi i shtatë është arrestuar më vonë, gjegjësisht me datë 13.09.2022 dhe gjendet në masën e paraburgimit”, tha Gashi.
Ndryshe, lidhur me dy rastet e dhunimit të 11-vjeçares në Prishtnë, deri tani janë arrestuar 12 persona, të cilët gjenden nën masën e paraburgimit.
E.R, Sh.K, G.R, G.J dhe Xh.S dyshohen për dhunimin e të miturës në gusht të këtij viti dhe të njëjtëve gjykata ua para pak ditësh ua ka vazhduar masën e paraburgimit edhe për dy muaj.
Kurse, tani iu vazhdua paraburgimi edhe shtatë të dyshuarive të tjerë, të cilët dyshohen se kanë dhunuar dhe trafikuar viktimën në qershor të këtij viti. /BetimpërDrejtësi