Portieri David De Gea pritet të jetë futbollisti i radhës që do të largohet nga futbolli evropian për ta vazhduar karrierën në Arabinë Saudite.
“Sky Sports” ka njoftuar të premten se De Gea, sipas të gjitha gjasave, do t’i bashkohet ekipit Al-Nassr pasi parimisht ka arritur marrëveshje personale.
Mësohet se atij i është ofruar pagë javore prej 300 mijë eurosh për t’u transferuar në Lindjen e Mesme dhe portieri spanjoll tashmë po pret largimin nga Manchester Unitedi.
32-vjeçari aktualisht është lojtar i lirë, ndonëse është në negociata me Unitedin për rinovimin e kontratës.
Ai është pjesë e Unitedit prej vitit 2011, ndërsa tek Al-Nassr do të ribashkohej me Cristiano Ronaldon. Po ashtu, ekipi saudit, ditë më parë e transferoi edhe Marcelo Brozoviqin nga Interi.
