Sipas saj, masa e paraburgimit iu ka vazhduar tre të miturve nga 60 ditë veç e veç.
“Lidhur me këtë rast, Gjykata Themelore në Prishtinë – Departamenti për të Mitur me 23 shtator ia ka vazhduar masën e paraburgimit tre të miturve edhe për nga 60 ditë, për secilin veç e veç”, ka thënë Gashi.
Ekrem Rexhepi, Shkëlqim Kameri dhe tre të miturit G.R., Xh.S., G.j., tashmë ka rreth një muaj që po qëndrojnë në paraburgim të cilët dyshohen për dhunimin e së miturës në gusht të këtij viti.
11-vjeçarja dyshohet se ka qenë viktimë e dhunës edhe gjatë muajit qershor, mirëpo ky rast po hetohet ndaras nga rasti ai i datës 27 gusht, kur u raportua në medie.
Ndërsa, për të dyja rastet të dyshuar janë 12 persona, tashmë të gjithë të arrestuar.
Pas publikimit në medie, ka dhënë dorëheqje Drejtori i Policisë së Kosovës, Samedin Mehmeti dhe janë shkarkuar edhe dy drejtorë të tjerë brenda Policisë.
Më 29 gusht, Policia e Kosovës kishte njoftuar se pesë persona e kishin dhunuar një vajzë të mitur 11-vjeçare, kurse sipas raportit të Policisë, dhunimi kishte ndodhur nga ora 17:30 deri në 00:33.
Shoqëria civile i ka majtur disa protesta duke kërkuar drejtësi për këtë rast dhe rastet e dhunimeve tjera.