Sipas Institutit EdGuard, bazuar në projekt ligjin e ri për paga, rezulton një rritje mesatare prej 15% për të gjitha pozitat në arsimin parauniversitar krahasuar me ligjin paraprak të shfuqizuar nga Gjykata Kushtetuese.
Projekt ligji parasheh rritje të mëtejme në pagë sipas vlerësimit të performances së mësimdhënësve.
“Pagat me rritje të kalkuluar sipas projekt ligjit për paga me koeficient 1-18, me vlerë të koeficientit prej 120 Euro. Pagat sipas ligjit paraprak të shfuqizuar nga Gjykata Kushtetuese të kalkuluar me koeficient 1-10, me vlerë të koeficientit 239 Euro”, thuhet në analizën e EdGuard.