Katër persona të dyshuar për veprën penale “Grabitje” dhe “Tentim grabitje” janë arrestuar të mërkurën në Prizren.
Sipas njoftimit të arrestuar janë I.B, 15 vjeçar, E.Z, 18 vjeçar, F.Z, 16 vjeçar dhe B.M, 17 vjeçar.
Arrestimi i tyre thuhet se është bërë pasi që janë gjetur prova të mjaftueshme se të dyshuarit me datën 08 janar rreth orës 18:15, të hekurudha, afër stacionit autobusëve Prizren, me forcë dhe me përdorimin e thikës kanë arritur nga viktima R.C, t’i marrin 200 euro.
Në njoftim po ashtu bëhet e ditur se dy viktima kanë pësuar lëndime për çka kanë marr ndihmën e parë mjekësore ne spital dhe me pas janë liruar.
“Sektori i hetimeve kanë arrestuar te dyshuarit, i kanë sjell ne stacionin policor ne Prizren dhe në prezence te avokateve, prindërve, punëtoreve social janë intervistuar dhe kanë pranuar veprën penale në tersi. Lidhur me veprimet hetimore, është informuar Prokurori Kujdestar për te Mitur dhe ndaj katër te dyshuarve është lëshuar Aktvendim për ndalim 24 orë. Ndaj tyre do të ngritët kallëzim penal për veprën penale ‘’Grabitje’’ dhe “Tentim Grabitje””, thuhet në njoftimin e Policisë./teve1.info/
