M.I me një bluzë e ka shtrënguar rreth qafës gruan e tij duke e kërcënuar se do ta mbysë, e pasi që fëmijët e tyre hyn në dhomë, i njëjti e lëshon në tokë gruan dhe e godet me grushte në fytyrë, raporton teve1.info
“Prokuroria njofton se, më 28 mars 2022, në Komunën e Gjakovës, saktësisht në shtëpisë së tyre të përbashkët, i pandehuri me dashje i shkakton lëndime trupore të dëmtuarës, bashkëshortes së tij V.I. Pas disa mosmarrëveshjeve të momentit, i pandehuri e merr një bluzë dhe me të e sulmon fizikisht të dëmtuarën duke e shtrënguar rreth qafës dhe duke e kërcënuar se do ta mbysë, ku pasi hyn brenda në dhomë fëmijët e tyre, i pandehuri e lëshon në tokë të dëmtuarën dhe gjersa e njëjta ishte e rrezuar, i pandehuri e godet me grushte në fytyrë, me ç ‘rast të dëmtuarës i shkakton lëndime të lehta trupore”, thuhet në komunikatë.
Prokurori i rastit ndaj të pandehurit M.I., ka kërkuar masën e paraburgimit në afat prej 30 ditësh.