Trajneri i Danimarkës Kasper Hjulmand njoftoi sot se Christian Eriksen mund të rikthehet në fushë me kombëtaren daneze pas rastit të tmerrshëm të 12 qershorit të vitit të kaluar, pasi kishte atak kardiak në fushë në ballafaqimin ndaj Finlandës në Euro2020.
“Me shumë mundësi ai do të fillojë në pankinë kundër Holandës dhe më pas do të shohim se si do të shkojë në Amsterdam, por ai është 100% i disponueshëm për të luajtur në shtëpi kundër Serbisë”, tha trajneri Hjulmand.
ADVERTISEMENT
Ditët e fundit Eriksen kishte rezultuar pozitiv me Covid, gjë që e pengoi atë të bashkohej me shokët e skuadrës.
Nga sonte në grup mund t’i bashkohet edhe Eriksen.
Ndeshjet e ardhshme të Danimarkës janë kundër Holandës me datën 24 dhe ndaj Serbisë me datën 29.
