Shumë gabime të gjyqtarëve dhe ankesa të klubeve u theksuan në xhiron 33, që kulmuan me ndeshjen Llapi – Ferizaj.
Eksperti i referimit nga FFK-ja përmes pamjeve dhe rasteve të ndara në një klip të postuar në faqet zyrtare të FFK-së, ka pranuar se janë dy raste në të cilat është dëmtuar në veçanti Gjilani.
Petrit Hadri ka theksuar se në rastin e parë dora ishte e hapur dhe ishte penallti e pastër.
Ndërkohë në rastin e dytë ai ka thënë se lojtari me numër 20 e ka shtyrë Oltion Bilallin dhe është penallti.
