Valon Berisha është i bindur se Kombëtarja e Kosovës do të kualifikohet në Kupën e Botës në futboll, që zhvillohet vitin e ardhshëm në SHBA, Kanada dhe Meksikë.
Mesfushori i Dardanëve, ishte i ftuar në VAR të dielën që shkoj, duke folur për të gjitha, por edhe mundësitë e Kosovës për të kaluar grupin e kualifikimeve.
Kosova është pjesë e grupit B, së bashku me Zvicrën, Suedinë dhe Slloveninë.
“E kam një ndjenjë s’di pse, vetëm po mendoj se kemi me mujt’ me shku në Botëror, shumë po e ndi veten të sigurt, ndoshta për shkak të që ekipi po shkon shumë mirë. Për mos me arrit kualifikimin mundet vetëm nëse na mungon ndonjë lojtar, s’kemi ritëm nëpër ekipet tona, s’janë fizikisht mirë. Aktualisht krejt lojtarët janë mirë fizikisht edhe po luajnë rregullisht, kështu që te Kosova po vijmë fizikisht mirë të përgatitur”, ka thënë Berisha.
Pa dorëza dhe i gatshëm për çfarëdo çështje në Kombëtare, Berisha para udhëheqësve të emisionit VAR dhe analistëve, nuk ka ngurruar të flasë.
Në grupin kualifikues për Botëror, me garat që nisin në shtator, Valon Berisha ka vlerësuar të gjithë kundërshtarët, por ishte optimist se mund të kalohen secili.
“Si favorite e shoh pak Suedinë, me yjet si Isak, Gyokeres. Zvicra është 50-50, gjithmonë kemi luajtur mirë kundër tyre, por edhe Slloveninë nuk e shoh të pamposhtur. E kam një ndjenjë që kemi me mposht Suedinë”.
Berisha ka folur edhe për grupimet e përfolura në Kombëtare, duke e pranuar se ekzistojnë, por që ai nuk është pjesë e tyre e mbi të gjitha, bashkëpunon me të gjithë.
Për më tepër rreth deklaratave të Valon Berishës, ndiq emision e plotë të VAR-it, në Tëvë 1:
