Pavarësisht kërkesave dhe interesimit të lartë, Mirlind Daku qëndroi te Rubin Kazan. Gjithsesi, nuk përjashtohet mundësia që në merkaton e radhës, sulmuesi shqiptar të ndërrojë mjedis. Për këtë temë ka folur presidenti i klubit rus, Marat Safiullin.
“Ai ka një kontratë për të gjithë vitin e ardhshëm. Ka oferta për ta blerë, por është i shtrenjtë. Pothuajse të gjithë lojtarët tanë janë rritur disa herë në çmim në krahasim me atë për sa i kemi blerë, përfshirë Dakun. Klubet si në Spanjë ashtu edhe në Itali po tregojnë interes për të. Do të nisemi nga dëshirat e tij dhe synimet tona për sezonin e ardhshëm”, tha Marat Safiullin.
