I dyshuari me inicialet Xh.I është ndaluar për 48 orë nga Policia e Kosovës me vendim të prokurorit, pasi dyshohet se e ka sulmuar seksualisht një femër të mitur, raporton teve1.info
Sipas komunikatës së Prokurorisë, gjatë periudhës s ndalimit, të dyshuarit do t’i caktohet masa e paraburgimit sipas Kodit Penal të Republikës së Kosovës.
“Ferizaj, 25 Prill 2024 – Prokuroria Themelore në Ferizaj, me vendim të Prokurorit të Shtetit, ka ndaluar një (1) person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së. Ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj, me këto veprime, dyshohet se ka kryer veprën penale “Sulmi seksual”nga neni 229 të Kodit Penal të Republikës së Kosovës. Prokuroria Themelore në Ferizaj, ndaj të dyshuarit Xh.I., brenda afatit ligjor do të parashtrojë kërkesë për caktimin e masës së paraburgimit në Gjykatën kompetente”, thuhet në komunikatë.
