Drejtoria për Hetimin e Krimeve Ekonomike dhe Korrupsionit ka dhënë detaje rreth operacionit që ka realizuar sot në tri lokacione në Gjakovë.
Sipas njoftimit, ky operacion policor është zhvilluar pasi dyshohet se shtetas të Kosovës në bashkëveprim me disa shtetas të Belgjikës, gjatë periudhës kohore 2020 -2022 dyshohet të kenë krijuar të ardhura të mëdha të cilat përmes rrugëve të ndryshme i kanë transferuar në Kosovë duke investuar në paluajtshmëri.
“Gjatë kontrollit është arritur të sigurohen fatura të shpenzimeve, të cilat të dyshuarit i kanë investuar në Kosovë, e që dyshohet të jenë produkt i veprave penale të kryera nga ana e tyre”, bëhet e ditur në njoftim.
Teksa thuhet se gjatë kontrollit kanë marrë pjesë edhe një ekip nga Belgjika, një gjyqtar hetues dhe tre hetues policorë.
Bëhët e ditur se rasti po vazhdon të hetohet në bashkëveprim me autoritetet e Belgjikës. /Teve1.info/
