Policia e Kosovës ka njoftuar se të shtunën ka pranuar një informacion për një incident të ndodhur në rrugën “Dëshmorët e Kombit” në Han të Elezit.
Sipas njoftimit, një person i ka informuar që djali i tij 25-vjeçar për shkak të një mosmarrëveshje kishte lënë dy fishekë në dhomën e tij.
Po ashtu bëhet e ditur se gjatë bastisjes së shtëpisë në dhomën e ankuesit janë gjetur dhe sekuestruar si prova materiale dy pistoleta, 46 fishekë e një thikë.
Me vendim të prokurorit të shtetit, ndaj 25 vjeçarit është iniciuar rasti “kanosje” dhe është ndaluar në mbajtje për 48 orë, ndërkohë ndaj ankuesit 85 vjeçar është iniciuar rasti “mbajtje në kontroll, posedim në pronësi të paautorizuar të armës” dhe ai është liruar në procedurë të rregullt./teve1.info/
