Pasditen e së enjtes derisa ishte duke luajtur, një vajzë 7 vjeçare dyshohet se u sulmua seksualisht.
Ngjarja ndodhi në Prishtinë, ku dyshohet që sulmi iu bë nga një 40 vjeçar.
Rasti është raportuar edhe në Policinë e Kosovës, të cilët edhe e kanë arrestuar të dyshuarin.
“Është arrestuar i dyshuari mashkull kosovar nën dyshimin se i njëjti ka kryer veprën e cekur ndaj viktimës femër kosovare. Lidhur me rastin me vendim të prokurorit i dyshuari është dërguar në mbajtje. Rasti duke u hetuar”, thuhet nga Policia e Kosovës.
Sulmin ndaj te miturës është duke e hetuar edhe nga Prokuroria Themelore në Prishtinë.
“Me urdhër të Prokurorit të Shtetit është dërguar në mbajtje një person, i dyshuar për veprën penale “Sulmi seksual”, ndaj te njëjtit do të ndërmerren veprimet e mëtejme ligjore”, ka thënë zëdhënsja Laureta Ulaj.
Nga Prokuroria Themelore në Prishtinë nuk kanë dhënë detaje të tjera, meqë rasti i takon procedurës për te miturit.
