Një bakterie e gjetur në mishin e bardh në Shqipëri, alarmoi edhe Kosovën.
Është fjala për salmonelën e gjetur në llojin e mishit të bardh “Copacol” në shtetin fqinj.
E të menjëhershëm ishin edhe reagimet në Kosovë, ku filluan kontrolle të rrepta nga Agjencia e Ushqimit dhe Veterinarisë për mishin që importohet nga Brazili.
“Menjëherë pas raportimit në media mbi incidentin për mishin e bardh me origjinë nga Brazili, ne kemi ngrit masat e kontrollit por deri më tani nuk ka asnjë fakt që lidh incidentin e ndodhur në Shqipëri me produktet në Kosovë. Ne kemi marr konfirmim edhe nga Autoriteti Kombëtar i Ushqimit të Shqipërisë se nuk ka pasur asnjë ri-eksport të ngarkesave nga Shqipëria në drejtim të Kosovës”, tha zëdhënësi i AUV, Lamir Thaçi.
Tutje, Thaçi tregoi se janë duke pritur rezultatet nga mostrat e mishit që janë marrë në Kosovë.
“Mbi bazën e kësaj ne menjëherë e kemi ngritur masat e kontrollit duke mostruar secilën ngarkesë që vjen në import, dhe deri më tani kanë ardh shtatë, të gjitha janë mostruar dhe pritet që të dal rezultati. Këto ngarkesa qëndrojnë të bllokuara deri sa të vjen rezultati i analizave, po ashtu në kontrollin e brendshëm kemi kryer kontrollet në pikat shitëses dhe në depon e importuesit të njërit lloj të produktit. Edhe tek depoja edhe tek pikat shitëse është urdhëruar tek pikat shitëse tërheqja nga tregu. Ndërsa tek depoja është urdhëruar që të mos dalin në treg asnjë produkt i cili është në stok”.
E sa ndihen qytetarët të sigurt me mishin që e konsumojnë e thonë vetë ata.
“Çka mos po vjen e çka mos po përdorim, tash edhe mishin e bardh që jena kanë merak me ngrënë gjithë, jo nuk bënë me ngrënë deri sa të dalin analizat e që thonë bënë më ngrënë duhet me ia nis. Konsumues shumë i rregullt i mishit të bardhë, se mishin e kuq nuk e kam të preferuar tash s’po di njeri se çka me hëngër”, thotë qytetari Sherif Kabashi.
“Jam shumë i bindur nuk kam fakte, por jam i bindur që njëjtë sikur në Shqipëri ekziston shumë keq. Për arsye se nuk ka kontroll, s’ka rregull, s’ka kurgjo. Nuk e kem herën e parë që hajm ushqim të skaduar me infektim të ardhur dihet sa kohë vjen ai nga shtetet Latino-Amerikane, edhe nuk ka kontroll me keqardhjen më të madhe nuk funksionon strukturat e shtetit”, tha Shaban Alija.
Por për dallim nga këta dy qytetarë, Izet Dushi, nuk ka dëgjuar ende për bakterin që dyshohet që përmban një lloj i mishit të bardhë.
“Unë nuk e konsumoj kurrë mishin e bardhë, diçka nuk kam shije për ta, por dikush e përdor që interesant unë bukur shumë i dëgjoj lajmet e që nuk paskam dëgjuar për këtë lajm”, tha Dushi.
Bakteria salmonelë që është gjetur në mishin e bardh në Shqipëri shkakton disa simptoma, si: diarre, ethe dhe dhimbje barku.
