Dy persona kanë humbur jetën si pasojë e një aksidenti që ka ndodhur sot në fshatin Astrazub të Malishevë, konkretisht në rrugën Malishevë-Rahovec.
Vdekja e dy viktimave është konstatuar nga ekipi i ndihmës së shpejtë në vendin e ngjarjes, ndërkohë që për trajtim mjekësor janë dërguar edhe dy persona të tjerë.
Lajmin për teve1.info e ka bërë të ditur zëdhënësi i Policisë së Kosovës për rajonin e Gjakovës, Sheremet Elezaj, i cili bëri të ditur se në konsultim me Prokurorin e Shtetit, trupat e viktimave do të dërgohen për ekzaminim mjeko-ligjor.
“Njësia Rajonale e Komunikacionit Rrugor, në koordinim me prokurorin e shtetit, janë duke ndërmarrë të gjitha veprimet e nevojshme hetimore për të zbardhur rrethanat që kanë dërguar deri te ky aksident”, deklaroi Elezaj./teve1.info/
