Një aksident trafiku ka ndodhur pasditen e sotme në qytetin e Pejës, duke lënë të lënduar dy persona.
Policia e Kosovës ka bërë të ditur se pasditen e sotme, në rrugën “Bill Clinton”, në afërsi të Shkollës për të Verbër, një automjet ka goditur një motoçikletë.
Si pasojë e aksidentit, dy persona kanë pësuar lëndime trupore dhe janë dërguar në Emergjencën e Spitalit Rajonal të Pejës, ku po marrin trajtim mjekësor.
Sipas policisë, të lënduarit janë jashtë rrezikut për jetën.
Në vendin e ngjarjes kanë dalë hetuesit e aksidenteve, të cilët po merren me sqarimin e rrethanave të rastit.
“Rreth orës 18:10, Policia e Kosovës është njoftuar për një aksident trafiku në rrugën “Bill Clinton”, në afërsi të Shkollës për të Verbër. Një veturë ka goditur një motor, ku dy persona kanë pësuar lëndime. Ata janë dërguar në Emergjencën e Spitalit Rajonal, ku po marrin trajtim dhe janë jashtë rrezikut për jetën. Në vendin e ngjarjes ndodhen hetuesit e aksidenteve”. /teve1.info/
