Dy persona kanë mbetur të lënduar si pasojë e një aksidenti mes dy automjeteve mëngjesin e sotëm në autostradën “Ibrahim Rugova”.
Lajmin për tëvë1.info e ka konfirmuar zëdhënësi i policisë për rajonin e Prishtinës, Bajram Krasniqi.
Krasniqi ka apeluar shoferët për kujdes të shtuar gjatë drejtimit të automjeteve, duke respektuar rregullat e trafikut dhe përshtatjen e shpejtësisë si dhe kushteve atmosferike.
“Policia në ora 07:47 është njoftuar për një aksident trafiku të ndodhur në autostradë, kilometri i 27 drejtimi Suharekë-Duhël. Sipas njësisë policore në aksident janë përfshirë dy automjete dhe si pasojë e aksidentit dy persona kanë pësuar lëndime. Policia është duke u marrë me procedurat në vend- ngjarje. Policia në vazhdimësi apelon për KUJDES TË SHTUAR GJATË DTEJTIMIT TË AUTOMJETEVE, duke respektuar rregullat e trafikut dhe përshtatur shpejtësinë kushteve atmosferike-mjegullës dhe lagështisë në rrugë”, ka deklaruar Krasniqi./teve1.info/
