Policia e Kosovës ka njoftuar se ka arrestuar dy persona të dyshuar për veprën penale “Vrasje në tentativë”.
Sipas njoftimit, mbrëmë gjatë rrahjes mes katër personave në Pejë është përdorur edhe një thikë e cila më pas është sekuestruar nga Policia.
“Më datë 22 mars 2023 rreth orës 20:00, Policia është informuar se nё rrugën “ Mbretëresha Teutё ” nё Pejё ka ndodhur njё rrahje mes disa personave.Policia menjëherë ka dalë në vendngjarje, aty ka kuptuar se si pasojё e rrahjes katёr (4) persona kanё pёsuar lëndime trupore.Gjatё rrahjes ёshtё pёrdorur edhe njё mjet i mpreht (thikё), i cili ёshtё sekuestruar nga Policia”, thuhet në njoftim.
Bëhet e ditur se tre nga të lënduarit janë dërguar në spitalin Rajonal në Pejë për tretman mjekësor, kurse njëri në QKUK.
“Dy persona tё dyshuar janё arrestuar dhe pas intervistimit, me urdhёr tё Prokurorit tё shtetit ndaluar pёr 48- orё”, thuhet tutje./teve1.info./
