Dy persona kanë pësuar lëndime trupore në një garë të veturave që është mbajtur në Shtime.
Të lënduarit janë shtetas të Maqedonisë së Veriut.
Zëdhënësi i Policisë së Kosovës për rajonin e Ferizajt, Kanun Veseli ka thënë për teve1.info se të lëndaurit janë trajtuar në Qendrën e Mjekësisë Familjare në Shtime dhe më pas janë liruar.
“Ju njoftojmë se sot rreth orës 13:25 kemi pranuar një informatë se gjatë garës me vetura në garën ‘Off Road’ në Shtime, dy persona (shoferi 35 vjeç dhe pasagjeri 23 vjeç) meshkuj, shtetas të Republikës së Maqedonisë së Veriut kanë pësuar lëndime të lehta trupore, të cilët janë trajtuar në Qendrën e Mjekësisë Familjare në Shtime dhe janë liruar”, konfirmoi ai.
