Njohësi i çështjeve politike Selam Shkodra, ka vlerësuar se pakënaqësitë brenda LDK-së të shfaqura për akuzat për manipulim të votave, kanë ardhë si pasojë e cenimit të integriteti të një grupi të LDK-së dhe jo për qëndrimet se çfarë pozicionimi duhet të mbajë LDK.
Shkodra ka thënë se kryetari i kësaj partitë, Lumir Abdixhiku që përballet me këto akuzuar ka dy rrugë, heqjen dorë apo eliminimin partiak të grupit të pakënaqur.
“Nuk kanë fillu për shkak të prezantimit të platformave të LDK-së, se si duhet të udhëhiqet me reformat, çfarë qëndrimi duhet të mbajë partia… Këtu flitet për një cenim të drejtpërdrejt të një grupi brenda LDK-së që nuk është më i gjerë. Këtu njerëzit po kërkojnë rikthimin e dinjitetit të tyre që mendojnë se është cenuar përmes votës dhe që bëjnë përgjegjës drejtpërsëdrejti lidershipin e partisë. Dhe kur ke kësi akuza brenda subjektit, ose duhet me leshu rrugë ose me i eliminuar qata”, ka thënë Shkodran në emisionin “Këndi i Debatit” në Tëvë1.
