Dy raste të vdekjeve të dyshimta janë raportuar nga Policia e Kosovës.
Në Obiliq në shtëpinë e tij është gjetur një person pa shenja jete. Policia ka bërë të ditur se në këtë rast është sekuestruar një pistoletë me copë fishekë.
“Është raportuar se viktima mashkull kosovar në shtëpinë e tij ishte gjetur pa shenja jete. Në vendin e ngjarjes kanë dalë të gjitha njësitë relevante policore dhe ekipi mjekësor dhe nga mjeku është konstatuar vdekja e viktimës. Nga njësitë policore është sekuestruar një pistoletë me 4 copë fishekë. Me urdhër të prokurorit trupi i pajetë i viktimës është dërguar në IML për obduksion. Rasti është duke u hetuar”, thuhet në raportin 24-orësh.
Ndërsa, rasti i dytë është raportuar në Gjilan. Një burrë që jetonte i vetëm është gjetur i vdekur.
“Më 16.04.2025 është gjetur pa shenja jete viktima mashkull kosovar. Sipas fqinjëve viktima kishte jetuar i vetëm. Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë është dërguar në IML për obduksion”, thuhet nga policia.
