Policia e Kosovës ka njoftuar për dy raste të dhunimit, që kanë ndodhur gjatë ditës së mërkurë.
Rastet dyshohet se kanë ndodhur në Malishevë e Gjakovë.
Në rastin e parë, personi i dyshuar është në kërkim nga policia, ndërkohë që viktima është dërguar për ekzaminim mjekësor.
“Është raportuar se i dyshuari mashkull kosovar kishte kryer veprën e lartcekur ndaj viktimës femër kosovare. Viktima është dërguar për ekzaminim mjekësor. I dyshuari ndodhet në kërkim policor, rasti në procedurë hetimore”, thuhet në njoftim.
Ndërkaq, policia rastin e dytë është duke e hetuar.
“Është raportuar se një i dyshuar mashkull kosovar kishte kryer veprën e lartcekur ndaj viktimës femër kosovare. Rasti është duke u hetuar”, thuhet në njoftim./teve1.info/
