Dy qytetarë nga Rahoveci kanë bërë një veprim të lavdërueshëm duke dorëzuar në polici një shumë të konsiderueshme parash të cilat i kishin gjetur në rrugë.
Sipas njoftimit të Policisë së Kosovës, ngjarja ka ndodhur të martën rreth orës 13:30, në rrugën “Sheh Mihedini” në Rahovec. Qytetari I. Sharku ka dorëzuar në stacionin policor shumën prej 1,000 euro, ndërsa qytetari tjetër, H. Haxhimustafa, ka dorëzuar 950 euro.
Në total, të dy personat kanë dorëzuar 1,950 euro.
Policia bën të ditur se më pas është paraqitur edhe pronari i parave, i cili kishte raportuar humbjen e tyre. Pas verifikimeve, të hollat i janë kthyer atij.
“Policia e Kosovës falënderon qytetarët për bashkëpunim dhe e vlerëson lartë gjestin e tyre human,” thuhet në njoftimin zyrtar.
Ky rast vlerësohet si një shembull pozitiv i ndershmërisë dhe bashkëpunimit mes qytetarëve dhe institucioneve
