Kryeministri në detyrë, Albin Kurti ka thyer heshtjen duke folur për krizën në Kuvend që më shumë se një muaj nuk ka arritur të konstituohet.
Kurti ka dhënë qëndrimet e tij për situatën e krijuar në një intervistë për RTK-në, pas vazhdimisht i është shmangur pyetje të gazetarëve para e pas dështimit të 18-të seancave në të Kuvendit.
Por, në mesin e deklaratave të dhënë, dy nga to i ka kritikuar analisti, Selam Shkodra, të cilat sipas tij janë shqetësuese.
Shkodra në emisionin “Këndi i Debatit” në Tëvë1, ka thënë se deklarimi i Kurtit se me asnjë kusht nuk e ndërron kandidaturën e Albulena Haxhiut për kryeparlamnetare dhe se situata aktuale është normale.
“Qëndrimet e Kurtit sot janë shqetësuese, një prej tyre që thotë se me asnjë kush nuk e ndërrojmë kandidaturën e znj. Haxhiu. Për pikëpamjet time është një kriter jo shumë real i opozitës që insiston në ndërrimin e kandidaturës por është edhe një absurd i partisë më të madhe që këmbngul në Haxhiun për kundër asja që nuk po zhbllokohen institucionet. Kjo mu më trishton nga dy kapmet që tregon se politikanët nuk janë të përgjegjshëm për situatën në të cilën gjendemi. Më shqetëson edhe përgjigja e Kurtit kur tenton situatën me paraqitë si normale, nuk është normale kjo situatë”, ka thënë Shkodra.
Kryeministri në detyrë në një intervistë për mediumin publik ka shuar shpresa për ndërrim të kandidaturës së Haxhiut.
Ai ka thënë se për të janë pajtuar në Vetëvendosje dhe se Glauk Konjufca i cili ka qenë kryetar Kuvendi në legjislaturën e kaluar dhe i përfoluri se mund të votohej edhe nga opozita për kryeparlamnetar do të jetë ministër në Qeverinë Kurti3.
