Dy persona kanë humbur jetën tragjikisht paraditen e sotme në “Rrugën e Arbrit”.
Sipas Policisë së Shqipërisë, ngjarja ndodhi afër Shkallës së Tujanit, në Tiranë.
Në aksident u përfshinë dy automjete, ku për pasojë, njëra prej mjeteve përfundoi jashtë rruge duke rënë në humnerë.
Ndërkaq, të dy personat që ndodheshin në mjet si pasojë e lëndimeve kanë mbetur të vdekur.
Ndërsa, shoferi i makinës tjetër u dërgua në spital për tretman mjekësor. Gjithashtu, identitetet e personave të përfshirë në këtë ngjarje të rëndë nuk dihen ende.
“Drejtuesi i automjetit tjetër, shtetasi K. R., ndodhet në spital, në kujdesin e mjekëve. Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën”, tha Policia e Tiranës./teve1.info/
