Dy persona janë shoqëruar në polici dy armë zjarri dhe një thikë janë sekuestruar në Prishtinë të dielen në dy raste të ndara.
Sipas Policisë së Kosovës në lagjen “Sofalia” pas raportimit për të shtëna me armë zjarri është intrevneuar dhe është intervistuar një person dhe konfiskuar arma.
“Në rastin e parë në lagjen Sofalia, në Prishtinë, pas raportimit për të shtëna me armë, menjëherë kanë reaguar njësi të stacionit Qendra, të cilët kanë shoqëruar një person dhe sekuestruar, një armë zjarri. I dyshuari, mashkull, pas intervistimit është liruar në procedurë të rregullt, ndaj tij është iniciuar rast për armëmbajtje pa leje, dhe përdorim të armës”, thuhet në komunikatën e PK-së.
Ndërsa rasti i dytë i sekuestrimit të një arme zjarri dhe një thike, sipas Policisë është realizuar nga njësite të stacionot Veriu, në rrugën “Ilir Konushevci” në Prishtinë, ku për veprën sulm dhe armëmbajtje pa leje është shoqëruar i dyshuari : F.C, mashkull, 25 vjeç, i cili pas intervistimit me vendim të prokurorit është liruar në procedurë të rregullt./teve1.info/
