Policia e Kosovës ka bërë të ditur se dy persona janë raportuar të zhdukur, në Prishtinë dhe Suharekë.
Rastin e parë e ka raportuar në polici një grua, ku është ankuar se vëllai i saj ka dalë nga shtëpia që gjashtë ditë dhe nuk di asgjë më për vendndodhjen e tij.
Në raportin ditor thuhet se i zhdukuri ka probleme mendore.
“Ankuesja kosovare ka raportuar se vëllai i saj kosovar (me probleme shëndetësore), ka dalë nga shtëpia dhe nuk dihet vendndodhja e tij”, thuhet në njoftim.
Ndërkohë, rasti i dytë ka ndodhur në Suharekë, ku një grua ka raportuar se bashkëshorti i saj – shtetas i huaj, që dy ditë është larguar nga shtëpia dhe nuk dihet asgjë për vendndodhjen e tij.
Në raport është bërë e ditur se të dy rastet janë duke u hetuar./teve1.info/
