Dy persona janë arrestuar nga Policia e Kosovës, pasi që të njëjtit dyshohet se qëllimisht i kanë vënë zjarrin një trafo të rrymës elektrike në fshatin Gjonaj të Komunës së Prizrenit.
52-vjeçari me inicialet R.D. dhe 40-vjeçari me inicialet P.M., janë ndaluar në mbajtje për 48 orë dhe ndaj tyre do të ngritët kallëzim penal për veprat penale ‘’Zjarrvënie’’ dhe ‘’Asgjësimi, dëmtimi ose heqja e instalimeve publike”.
Sipas njoftimit të Policisë së Kosovës, dyshohet se ngjarja ka ndodhur më 3 janar të vitit 2024.
“Arrestimi i tyre është bërë pasi që janë gjetur prova të mjaftueshme se dy të dyshuarit me datën 03.01.2024 në mënyrë të qëllimshme i kanë vënë zjarrin një trafo të rrymës elektrike në fshatin Gjonaj të komunës së Prizrenit”, thuhet në njoftim./teve1.info/
