Armando Broja ka nisur dy ndeshje radhazi si titullar me Evertonin. Sulmuesi shqiptar është hedhur nga minuta e parë në dy ndeshjet më të vështira ndoshta të kampionatit. Në fillim në një transfertë ndaj Nottingham Forestit, surpriza e bukur e këtij sezoni në Premier League dhe më pas kundër Manchester City.
Performanca ndaj Notingham ishte e mirë për Brojën, por në të dytën kundër Manchester City, nuk pati ndikim të madh.
Ndërkohë këtë javë, Armando Broja nuk luan dot me Evertonin dhe do ta ndjek ndeshjen nga tribuna.
Kjo pasi Evertoni do të luajë kundër ekipit që i zotëron kartonin Brojës, Chelsea, dhe në bazë të rregullave, është e ndaluar që Armando Broja të marrë pjesë në këtë ndeshje.
