Mbi ta rëndojnë akuzat për marrje ryshfeti.
Sipas aktakuzës, në qershorin e vitit 2021, të dy kërkuan dhe morën ryshfet nga Kompania “Telkos” një shumë të konsiderueshme parash.
Ndaj këtyre akuzave, ish-drejtori në KPM, Arben Billalli, e pranoi fajësinë.
Por, ndryshe u deklarua ish-shefi i tij.
Pas kësaj, avokati i Arben Bilallit, Florent Latifaj, kërkoi nga gjykatësi që ta veçoj procedurën ndaj klientit të tij.
Arsyetim për këtë tha se ishte gjendja shëndetësore e Bilallit.
Këtë e kundërshtoi avokati Naim Rudari, që e përfaqësonte Kompaninë “Telkos”.
Me këtë, trupi gjykues u tërheq për ta marrë vendimin.
Pas disa minutash, këta u kthyen me disa vendime ku kryetari i trupit gjykues, Alban Ajvazi tha se aprovohet pranimi i fajësisë nga ana e të pandehurit, Arben Bilalli.
Me kaq, nga salla u largua i pandehuri, Arben Billalli, i cili fjalën përfundimtare do ta dëgjojë në seancën e radhës, që u caktua me 28 korrik.
Ndërsa, seanca gjyqësore vazhdoi me të pandehurin tjetër, Luan Latifi.
Prokurorja e shtetit paraqiti provat që sipas saj, vërtetojnë fajësinë e Latifit.
Këto i konsideruan të pavërteta pala e akuzuar.
Me kaq, përfundoi edhe seanca në lidhje me këtë çështje.
Seanca e radhës kundër Luan Latifit, u caktua me datën 10 tetor në ora 09:00.
Kronika e realizuar nga Fidan Zejnullahu.
