Policia e Kosovës ka njoftuar për një rast të hetimit të vdekjes, i cili ka ndodhur pasditen e së martës në Junik.
Sipas raportit policor, rreth orës 15:30 është raportuar se në një shtëpi janë gjetur pa vetëdije dy femra të moshuara kosovare.
Menjëherë pas pranimit të informacionit, në vendin e ngjarjes ka dalë ekipi mjekësor, i cili ka konstatuar se njëra nga viktimat ishte pa shenja jete, ndërsa viktima tjetër është dërguar për trajtim mjekësor në Qendrën Klinike Universitare të Kosovës (QKUK), në gjendje të rëndë shëndetësore.
Në vendin e ngjarjes, përveç njësive policore, ka dalë edhe prokurori i shtetit, i cili ka urdhëruar që trupi i pajetë të dërgohet në Institutin e Mjekësisë Ligjore (IML) për obduksion, me qëllim të sqarimit të plotë të shkaqeve të vdekjes.
Rasti është duke u trajtuar nga organet kompetente dhe hetimet janë në vazhdim.
