Ditët kur këta banorë në lagjen 28 Fushë Kosovës nuk do të kenë problem me ujë, kanë përfunduar.
Kjo pasi këtë të martë, aty u inaugurua projekti për ujë të pijshëm.
E këtij lajmi iu gëzua kjo qytetare.
“Është dashtë me hap puseta, për mirëmbajtje të shtëpisë, tash që nga sot besoj se mirë”, ka deklaruar një qytetar.
Këtë e mirëpriti edhe banorja e lagjes 29.
“Unë jam e kënaqur për ujin që ka ardhë, nuk kemi pasë uji, faleminderit nga ju shumë. Na deri sot me ujë të binarit kemi jetuar, nuk kemi pas, ju falënderoj shumë”
I gjithë ky projekt, kap vlerën prej 2.7 milionë euro.
“Të gjithë qytetarët do të kenë ujë të pijes në këtë zonë. Mbase ka qenë shumë e rëndë fakti që të mendohet që ende ka lagje në zona urbane madje të cilat nuk kanë ujë të pijes dhe shërbehen me puse. Tash besoj se ky problem jo vetëm këtu por kudo në zona të tjera janë probleme që do t’i zgjidhim dhe eliminojmë. Ka qenë një premtim që e kemi dhënë në fillim të mandatit”, ka deklaruar ministri, Liburn Aliu.
Disa fjalë i pati edhe ministri për Administrimin e Pushtetit Lokal.
“Sot ndihem jashtëzakonisht i lumtur që ky premtim falë angazhimit të qeverisë dhe mbështetjes së kompanisë rajonale po përmbyllet, po përmbyllet koha kur qytetarët tanë në Fushë Kosovës duhej me u shërby me ujë të pijeve nga puset, ka kaluar mendësia e pusit, është mundësi tash që si krejt qytetarët e tjerë me pas të drejtën në qasje të ujit të pijes”, ka deklaruar ministri, Elbert Krasniqi.
Kryeshefi i Kompanisë Rajonale të Ujësjellësit Prishtina, Afrim Fetahu tha se uji në këto zona do të jetë i cilësisë së lartë.
“Kontrata e këtyre punimev përfundon në dhjetor të këtij viti, mirëpo pothuaj se e tëra është e kryer mbi 90% dhe ajo cfarë është e rëndësishme uji që momentalisht ka ardhë është shumë me cilësi të lartë”, ka thënë ai.
Ai shtoi se së shpejti pritet të bëhet kyqja e ujit edhe nga liqeni i Ujmanit përmes fabrikës Shkabaj që sipas Fetahut, për qytetarët e Bardhit të Madh edhe për Sllatinën, uji për pije do të ketë cilësi të lartë.
