Ajo ka thënë se Qeveria e Kosovës as nuk vendosi për zbatim të marrëveshjes për targat dhe as nuk u koordinua me partneret amerikan.
“Qeveria as nuk e zbatoi marrëveshjen për targa dhe as nuk koordinoi me partneret amerikan. Dy dështime! Injorance politike”, ka shkruar Tahiri, raporton teve1.info/
Kryeministri i Kosovës, Albin Kurti të premten njoftoi për shtyrje të afatit për targat i cili përfundonte më 31 tetor, por Qeveria ka vendos afate të reja për zbatimin e kësaj marrëveshje.
Sipas vendimi nga 1 nëntori deri më 21 nëntor do të jetë masa e qortimit, pastaj për dy muaj deri më 21 janar do të jetë masa e gjobitjes, dhe më pastaj nga 21 janari do të kemi targa provuese për dy muaj të tjerë, pas së cilës datë nga 21 prilli nuk do të lejohen targat tjera përveç atyre “RKS”.
Pas këtij vendimi ka reaguar edhe SHBA, e cila siç është thënë në deklaratë është shprehur e shqetësuar dhe e zhgënjyer që Qeveria e Kosovës nuk mori parasysh kërkesën për shtyrje të afatit.
SHBA edhe BE kishin kërkuar nga Qeveria që vendimi të shtyhet deri në 10 muaj./teve1.info/
